حوزہ نیوز ایجنسی کی رپورٹ کے مطابق،ماہ رمضان رحمتوں اور برکتوں والا مہینہ ہے، جس کو ہر مومن اپنی بساط کے مطابق عبادت خدا میں گذارتا ہے،مگر مرجع عالی قدر آیت اللہ العظمی الشیخ بشیر حسین نجفی کے مرکزی دفتر نجف اشرف میں اس کا احیا اسطرح سے کر رہا ہے کہ ہر رات دعائے افتتاح کی تلاوت کی جارہی ہے۔ اس کے بعد حجت الاسلام شیخ علا کعبی مجلس پڑھتے ہیں جس میں مرجع عالی قدر خود شریک ہوتے ہیں۔ اور آپ کے علاوہ نجف اشرف کے مومنین فضلاء علماء اور طلاب کی کثیر تعداد شریک ہوتی ہے۔
مجلس میں ماہ رمضان کی عظمت سیرت اہل بیت علیہم السلام اخلاق اور مصائب اہل بیت علیہم السلام بیان کئے جاتے ہیں۔ اس مجلس کے بعد مرجع عالی قدر مختلف ممالک سے آئے ہوئے وفود سے ملاقات کرتے ہیں اور اپنی نصیحت سے ان کو فیضیاب کرتے ہیں۔
